Blaogin'i Maeva74

Nisosa ny fiara nitondra an´i Narindra namonjy an´í “SainteMarie” ilay toerana misy an´i Andry. Nony tonga teo amin´ilay toerana nisy azy  indrindra

- Andry! Andry! Hoy ny feon´i  Narindra niantsoantso azy.

- Narindra! Tena tsy tafandrimandry mihitsyaho nieritreritra an´izy mianaka, sy izay niseho tany. Tantarao aloha ny tany e ! Nanao ahoana izy mianaka sy i Neny?

- Vita soa aman-tsara ny fandevenana anao ryAndry an! I lucie reninao aloha saika nanahirana ihany !

- Fa nahoana? Hoy i Andry naniry mafy ny te hahafantatra ny zava-niseho tany Iarivo

- Tsy nanaiky mihintsy izy raha tsy hoe : " Sokafana hono ilay vata e!!"  Soa ihany  fa nitsindroniko fampatoriana haingana, fa saika nahitana angano teo.

- Narindra an! Tena tsy nety ireny nataoko ireny e!! Ilay zanako, ilay reniko e!! Hoy indray Andry noketohin´ ilay nenina nanenjika azy mafy.

- Shhhh! Vita aloha ny amin´iny fa izao e! Tsy maintsy miala eto Madagasikara faran´izay haingana ianao.

- Dia ho aiza aho no handeha ry Narindra?

- Makany “Bresil” ianao. Efa vita daholo ny momban´ny taratasinao rehetra, ary efa misy olona handray anao any !

- Olona iza! Any alavitra any ve ry Narindra an! Maninona raha any frantsa ohatra e!

- Ianao ve adala e! Ny isan´ireo Malagasy any ary efa tsy hita hisaina intsony, ary mety hisy ahatsikaritra anao any ! Fa any “Sao Paulo” mbola tsy naheno aho hoe misy gasy maro be, na hisy ary any tsy ahalala anao akory.

- Mba nahitanao hevitra ny handefa ahy any ankodahoda any ry Narindra an! Hoy IAndry narahin- tahotra.

- Misy dokotera izay any “Ricardo”! izay noanarany. Io dokotera io no hikarakara anao.

- Karakaraina amin´ny ahoana e!

- Hovaina ny endrikao, mba tsy ahalalan´nyolona anao intsony .

- Lalina izany ry Narindra! Diso natoky anao loatra aho ka nanjary nanao ny tsy fanao marina. Dia rehefa avy eo dia ahoana ! Ary taiza no nahalalanao io dokotera io?

- Naira- nianatra tamin´ilay naman´i dada nolazaiko anao io e! Ilay nampianatra ahy. Hoy i Narindra tsy rotitra akory.

- Tsy ho lafo be ve izany !

- Tsy misy atahoranao ny amin´izany e! Efa maty paika daholo ny rehetra. Raha vao vita ny fandidina atao anao dia miverina ianao. Ary i Hery no anaranao vaovao.

- Loza izany marina! Koa raha tsy mandaitra izany fandidina izany dia ahoana? Dia raha mivadika biby amin´izany aho dia ahoana koa!

- Olona efa za-draharaha ny momba izany izye! Sady asany izany ka tsy misy tokony atahorana. Hoy i Narindra nanome toky an´i Andry.

- Dia rahoviana aho no tokony hihainga ryNarindra?

- Tsy maintsy mihainga rahampitso dia rahampitso ianao mankany Ivato.

- Koa raha tratra any aho dia ahoana?

- Tsy misy tsy vitan´ny vola ry Andry an! Voavidy ny rehetra ! Rehefa ravola no misy dia misosa ny fianana e!

- Eny ary koa! Inona intsony moa no ambarako eo, fa dia efa manantanteraka ny baikonao sisa no azoko atao.

Rehefa vita soa aman-tsara ny resak´i Narindra sy Andry dia natory ry zareo.

Antananarivo kosa

Fa iza koa io olona miresaka amin´i Liva io hoy aho an´eritreritra. Tampoka teo iny izy namonjy nizotra taty amiko.

- Riana an! Mamangy ny fahoriana! Aza misosoka alahelo intsony. Hoy izy sady nanoroka ireo takolako.

- Misaotra indrindra ry Liva an! Sady latsaka nikoriana namonto ny tavako ny ranomasoko. Dia tsy naharitra izy ka nisintona ahy avy hatrany ka namihina ahy mafy teo an-tratrany avy eo.

- Ataoko fa mbola tsy vonona ianao ny hiresaka amiko amin´izao ora izao, ka aleo aho handeha. Fa rehefa vonona ianao dia antsoy aho. Fa eo foana aho miandry anao.

- Eny ry Liva! Misaotra anao tonga ! Fa hono ho´aho? Iza no nilaza taminao fa maty i Andry vadiko, dia ny nahalalanao fa aty Ambohimalaza ny fandevenana.

- Nandalo teny aminareo aho fa tena tsyandriko loatra ilay ora ahatongavanao, ka tsy naharitra aho ka nanontany olona.

- Hay ve e! Hoy aho gaga

- Dia tazako misy olona nitsofoka tao aminareo, ilay ramatoa efa zokinjokiny iny, dia izy no narahiko moramora avy aty ahoriana. Diso ve aho ry Riana?

- Tsia an! Tsy diso ianao ka. I mama izay . Te hanoroka anao mafy tokoa aho ry Liva, saingy tsy azoko atao! Aleo aho hamonjy ny fianakaviana sao hanaitra ny mason´ny mpitazana eto isika. Miantso anao aho rehefa tonitony iny. Izany an! Veloma i Liva malalako. Hoy ilay vavako tsy nisalasala.

- Veloma I Riana. Hoy izy mbola nanara-maso ahy hatrany.

Tsy nisy nahitana teny ny olona tao anaty fiara fasamy nangingina avokoa.i Benja natory teo ampofoin´i Mama. I Fanja namako kosa  no nanatona teny amiko no nibitsika moramora hoe:

- Riana an! Azafady aky fa tena tampoka be ity zava- nitranga ity. Tsy nanana fotoana loatra isika roa mirahavavy nifampiresahana teo.

- Tsy maninona aky ry Fanja an!

- Fa hono ho´aho e! Fa iza ity tovovavy niaraka taminareo sy i Benja kely iny?

- Narindra aky iny an! Dokotera nitsaboan´i Andry tany Toamasina.

- Toa hafahafa ny fahitako azy teo aky ryRiana.

- Fa maninona aky! Hoy aho gaga amin´ity lazain´i Fanja.

- An an! Tsy dia hoe misy inona akory fa toa hafahafa ihany izy ka! Toa tsy mitsahatra ny miantso amin´iny findainy iny izy, sady toa mahimahina izany.

- E! E! Te hibitsika kosa angamba izy ry Fanja an! Mba fantandry moa fa raha tsy izy dia asa angamba aky izay nanjo anaytany an!

- Diso marina ny eritreritro ! Raha toa kasahirana indry, dia avelao aloha I Benja kely ho any amiko e!

- Misaotra aky ry Fanja an! Namana tokoa indry. Saingy  efa halain´ny mama izy hitoetra any aminy mandram-paha aloha ! Sady fantatro fa tsy ho ela akory dia tsy maintsy handao io trano misy anay io aho.

- Hay tokoa moa ka tranom-panjakana marina aky io misy anareo io. Raharaha koa ity marina. Hoy i Fanja mantsy ahy no sady tena nalahelo tokoa izy.

Tonga soa aman-tsara teny amin-dry Mama ny fiara, dia nijanona niaraka taminy ilay zanako kely. Izaho kosa nody namonjy ilay tokatranoko nangidy hatrizay.

Rehefa avy eo dia nisaraka izahay sy i Fanja. Nony tonga tao an-trano. Tsaroako ny endrik´i Andry sorena lalandava, maika lalandava. Toa tsy nahatsiaro loatra ny fotoam-pifalianay, ankoatr´ireo andro lehibe nivadinay sy ny nahazoanay an´i Benja kely. Te hiantso mafy an´i Liva aho hoe: “aleo vitaina ny amintsika” saingy vahotra ny tanako, hiboredika angamba ny lelako. Inona no holazaiko azy! Tia azy aho saingy mbola sarotra ny momba ahy ankehitriny.

Sainte Marie

Somambisamby ny diavolan´ilay nosy kely “Sainte Marie”. Toerana nitobian´i Andry nandritry ny andro vitsivitsy. Tapaka ny hevitra fa hiainga anio ry zareo, hamonjy an´i Ivato, hizotra ho any amin´ ilay hoe ampitan-drano masina dia i “Bresil”.

- Tongotra ambian-dakana ity ry Narindra koa tsy maintsy miroso izany aho fa tsy afaka mihemotra toa lelo-jaza intsony.

- Hihemotra ho aiza intsony moa ianao e! Tokony ataonao ao an-tsainao ao amin´izay fa olom-baovao ianao, fa tsy ilay Andry fahiny intsony. Rehefa vita soa aman-tsara ny fandidina anao dia atao makotrokotroka ny mariazintsika. Hasaina daholo ny mpanefoefo rehetra naman´i Dada. Ary ianao no hitonda ny orinasa aty Toamasina.

- Efa maty paika mihintsy ange izany tetikao izany ry Narindra e!

- Ireny “risque” be natao ireny ve dia tsy hisy vidiny e!

- Dia tsy mba manana fo mitempo mihitsy ianao fa angamba rano mainty no mikoriana ao anatinao fa tsy ra toy ny an´ny olombelona rehetra.

- Izaho indray no tsarainao eo ve! Ianao izay namohy ny vady aman-janakao nohon´ny vehivavy. Izaho ve no diso amin´izany?

- Tena taranak´i Eva marina ianao. Naman´ny bibilava mpamitaka.

- Aoka izay e! Ny dianao eritreretina, efa vonona io ny fiara sy ny solika dia handeha isika.

- Atao ahoana moa! Tsy manan-tsafidy intsony aho fa dia ianao izao izany no mitondra ahy any amin´izay hitiavanao azy.

Nandao an´i “Sainte Marie” izy roa dia namonjy an´i  Ivato. Ilay toerana hifandaozana sy hilatsahan´ireo ranomaso maro, amin´ny fanaovam-beloma isan-karazany. Ao ny mandao ny olon-tiany nohon´ny adidy miandry sy asa aman´andraikitra. Ao koa ireo mandao ny menaky ny ainy nohon´ny fitadiavana. Nefa dia ao koa ny voatery mandao ny fianakaviany, tanindrazany nohon´ilay fitiavan-tena sy ny hakanosana  toy ny an´i Andry. Hakanosana ny hamboraka amin´i Riana ny tsy fitiavany azy intsony. Lalina tokoa ny fiainan-janak´olombelona.

 Antananarivo

Nony tonga teo Ivato dia niverina nibanjina ny manodidina i Andry, narahin-tsento lalina izy dia namihina ity vehivavy menarana notiaviny. vehivavy tsy nataho- tody. Mihevitra an´ilay Nahary ho tsy misy. Raha vitan´ny vola tokoa mantsy ny fiainana an! Ilay vehivavy natakalony an´i Riana. Dia i Riana ilay tovovavy bikaina sy tsara tarehy ary malemy fanahy. Indrindra fa ilay zanaka kely voatavo tsy mifandraka tsy mahalala´n in´inona.

- Mandehana amin´izay miditra ry Andry an! Sao misy mpahita eo ianao. Hoy i Narindra tsy nalahelo azy akory. Fitiavanahafa kely loatra.

- Veloma ianao ry Narindra an! Avelao aho sy ny fahoriako handeha fa ho afaka ho aiza intsony moa!

- Shhhh! Aoka izay fa mahamenatr´olona ryAndry an! Izay fa veloma! Izaho hanainga ho any Toamasina izao dia izao ihany.Izay fa veloma e! Sady norohany i Andry dia lasa izy.

Sendra nivoaka teo amin´ilay seranam- piara-manidina i Narindra no

- Toa mody tsy mahita koa ianareo izany ramatoa ity an! Hoy i Narindra mantsy an´i Fanja!

- Azafady tompoko! Ary toa fantatro anie ianao izany e!

- Aza miteniteny foana ranona fa tsy mahafantar´olona toa anao aho e! Hoy i Narindra nianjona sady nandeha niditra tao anatin´ilay fiarany.

-Tena lalina tokoa ity fianjolanjolan´itytovovavy marina. Hoy i Fanja. Tena ikala Narindra mihintsy iny e! Nefa nilaza i Riana fa any toamasina izy. Mety olona mitovy koa angamba ka! Ilay Narindra fantatro toa mba tsara fanahy ihany. Hoy ihany izy niteny irery.

Tsy andrin´i Fanja intsony izay nodiana hamonjy an´IRiana, hitantarany ny zava-nisy androany. Nony tonga tao amin´I Riana izy dia

- Riana an! Riana an! Hoy i Fanja nikikika mafy

- Fa misy inona e! Ary maninona indry no sempotra tahaka ity? Hoy aho

- Fantatro fa tsy hino indry raha hilazako fa nisy vehivevy tena mitovy tsy misy valaka an´ikala Narindra teny Ivato.

- Tsy izy aky izany an ! Efa any toamasina izy izay.

- Izay angamba aky!

Variana aho nandinika ny fiainako, toy ny vato kolonjy mikodiadia aho izao. Tsy vady, miaraka amin´ny zaza iray, tsy an´asa, hovelomiko amin´inona ny zanako? Aiza aho no hipetraka? Izany rehetra izany nofanontaniana miverimberina ao an-tsaiko. Indrisy mantsy ry fianako. Mahita ny fahasambaran´i Fanja mianakavy aho dia mitsiriritra. Hitako izy fa tena mandimandina ery ny endriny. Tampoka teo.

- Riana! Fa maninona indry e! Toa variana be tokoa. Hoy ny feon´i Fanja nanaitra ahy.

- Variana aky aho mandinika ito fianako faaza omena tsiny e! sady nirotsaka indray ny ranomasoko.

- Inona ary ity kivikivy ity e! jereo ny endrik´indry toa reraka be izany. Tongava any an-trano misakafo sady misy zavatra ho fetenay e! Tsy hoe nyfahorian´ny sasany hafalian´ny hafa fa nifanojo izy ity. Fa izao aky an!

- Inona ry Fanja? Hoy aho mantsy azy.

- Mitoe-jaza aky aho an! Hoy izy faly nefa nalahelo ahy koa.

- Sambatra indry aky! Arabaina izany. sady nofihiniko mafy izy. Toy ny rahavavy tokoa no nandraisako an´i Fanja ka tsy nisy nafeniko azy ny momba ahy rehetra. Mirary soa andry aky aho an!

- Miandry andry izany izahay telo mianaka rehefa avy eo an!

- Eny aky an! Ho avy aho fa hanao metimety aho dia hamonjy anareo e! Sady leo ny mahita ity trano ity koa aho.

- Miandry andry aho izany hoy i Fanja dia nandeha izy.

Nisosa ny roa andro, tonga soa Aman-tsara tany “Bresil” i Andry. Fandraisana mafatra-po no nandraisan´ilay“Ricardo” azy.

- “Bem vindo Brasil "! Hoy ilay “Bresilien” mantsy an´i Andry tonga soa eto “Sao Paulo”! Hoy ilay lehilahy miresaka amin´I Andry amin´ny teny anglisy.

- Misaotra indrindra hoy i Andry.

Dia nisosa teny ny fotoana. Sendra nitsangatsangana teny @ ilay torapasik´i ´“Santos” (anarana tanana iray mitoetra eny atsisin-dranomasin´ny“Sao Paulo”) iny i Andry no nifanena tamin´ny tovovavy iray.

- Manao ahoana ianao Ramatoakely! hoy i Andry niarahaba ity tovovavy.

- Malagasy angaha ianao? Hoy ity tovovavy nanontany azy

- Eny tompoko! Hoy i Andry. Tena miendrika endrika “bresiliana mihitsy ny endrikao, ka saika nahafanina ahy. Iza moa izato izy raha tsy mahadiso?

- Maeva tompoko!

Ho hitanaotsy ho el any tohiny